高清睇跑馬：輕輕鬆鬆 檔佳放到

港陌

　　「穩操勝算」上季頭三戰全戴眼罩，到第四仗總場次203安排除罩，雖然一如以往前速欠奉，結果卻後上入位。睇沿途走勢更嚇一跳，全程在尾列，轉彎拉出大外檔蝕位，但最後二百米如飛殺上跑第三。

　　接戰286場次「穩操勝算」閘內扭計，結果慢閘下盡失先機跑第二；直至516場次再跑谷草1200米，卻因七百米被阻勒避，加上頭馬「秒秒領先」太強，最終只跑亞軍。雖然「穩操勝算」至今未勝，但陣中不是早段落後太多，便是曾受阻，可見敗績難作準；賽前試閘交出不俗前速足證有進步，評分有利之馬值得重視。

　　「輕輕鬆鬆」於上季總場次465初出跑谷草1200米，排二檔下柏寶採取快放戰術，最後僅被後上強勁的「大旋風」趕過跑第二；該役季軍「開心動力」現評九十一分，可見賽事水準之高，若非「開心好多」及「輕輕鬆鬆」拍住搶放令步速太快，後駒根本已有機會打開勝門。「輕輕鬆鬆」再出四仗只添一亞，歸究於這匹宜望空搶放之馬，卻經常搵遮擋角逐，自然便跑不出水準；今戰排一檔，預計必全力爭取前領位置，不難一放而回。

Sam