24廐尋寶：吳定強救馬「精靈」

博彩老头

　　【本報資料】吳定強上季勝出20W，成績與前季的19W差不多，其中代表作必定是訓練雌馬「金德寶」取得三冠兩亞，包括勝出一班賽維多利亞馬會錦標。對於這匹鎮倉寶，練者今季肯定仍會落足心機部署，可以長期跟進。

接手蔡廐馬顯功力

　　另外，吳定強一向被視為腳患馬救星，上季「百利旺」在其訓練下取得一冠一季，盡顯練者功力。事實上，此駒在上手蔡廐時已用得七七八八，但吳定強接手後仍可妙手回春，加上過往有「京城孖寶」、「哈哈妙」珠玉在前，相信廐內幾匹由蔡廐來投馬如「新強勁」、「活威小子」及「歡心」亦不可睇小。

　　除訓練傷患馬有心得外，吳定強亦擅長救低分馬，上季最佳例子當然是「魅力影子」，上季尾曾一度減到得11分，但最終成功在7月1日舉行的田草1400米贏馬開齋，勝後被加至24分，得以繼續服役。今季若然再見同類的吳廐馬，不妨追捧。

　　銀行馬方面，除被譽為馬后的「金德寶」要留意外，「精靈勇駿」上季首次上陣即放入第三名，翌仗再出更輕鬆補中，蹄下敗將「錢照贏」再出亦贏馬，證明賽事水準極高，實力絕不簡單。

　　目前「精靈勇駿」評61分，肯定仍有大幅上升空間，保守估計可如「喜萬家」般贏上二班，值得長追。

　　上季吳廐大熱門成績不俗，13戰取得五冠兩亞一季，其中配柏寶的大熱更穩陣，五匹同類分子獲兩冠一亞一季，上名率高達八成。今季若見騎練兩人合作的馬匹成為大熱，記得捧場。