洪禮賢講馬YIN''''''''S TALK ：你有冇講過大話？

猪拉多纳

　　你有冇講過大話？呢個問題背後嘅答案並唔重要，因為如果答有，係好正常，而且有部分大話仲係善意，之但係好多時講咗一個大話，你可能要再講多十幾個大話嚟作掩飾。反而， 如果話冇講過大話，先至比《Hero》更不尋常、更不可思議？！講大話的誘因太多，區區幾百字唔會表達得晒，係咁意打個比喻，阿媽問你：「點解仲未畀家用？」可能你會答：「呢個月遲咗出糧！」背後隱藏可能係月頭充闊佬使大咗。

　　而例子又有可能如練馬師Ｍ問騎師Ａ：「做咩拉士唔打鞭？」Ａ曰：「驚隻馬內閃，所以齋推。」真實謊言嘛，掩蓋的一部分或是Ａ誤以為拉士大局已定，才會帶點輕率。而呢個事例，其實陣上真係時有出現， 只是人物、場地、轉折位等等，有所唔同而已。

　　哪麼馬匹會否對我們講大話， 睇吓從咩角度出發，但某程度上係會，實在好多賽駒陣上跑得出色（或偶一為之），箇中有好多成因。像忽然跑得好的一類馬，唔排除隻馬無端端有Mood、可能新鮮感重、唞唞埋埋有強大體力作後盾、場地狀況有利、腳患痛楚冇晒等等，但經此一役唔知何日君再來，一招了的事例，一個馬季公映都不下一萬幾千幕吧。既然馬匹都會講大話，還要在沒有動機的情況下，但最後會損失卻係我哋。咁，要點先至可以唔受騙？不二法咪就係緊貼賽事，理性／多角度分析，盡量發掘事實之全部。

洪禮賢 馬會賽馬節目主持