借題發揮：賽後報告「好味」

魑魅魍魉

　　如果經歷過80、90年代的馬迷，定必認同當時乃賽馬火紅年代，未經歷過的馬友會覺得現時各方面都比從前好，這點我想沒有人會反對，至少大家拿着目前的賽後報告咀嚼，不會淡而無味。

　　隨便看看每場賽事，賽駒跑得唔好總佔大多數，以前賽後報告哪會詳加說明某些馬匹問題所在，氣管有血有痰，外界唔清楚（往時都唔知有此類誘因）。或是賽駒健康有問題，曾經影響過操練流程。尚有馬匹因為走規問題，加了配備接受教育等等。當年我輩馬迷就算賠上金錢也一概不知，更遑論再細緻的東西，所以現今資料爆炸唔係冇好處，可能多到你唔想知而已，但自己放棄唔要則與人無尤。

　　現時賽後報告之所以有可讀性，在於偶爾會道出一些具前瞻性的說話，打個譬如，騎師Ａ說：「如果唔受阻，應該更接近！」騎師Ｂ：「唔係內閃，走勢仲好。」雖然上述兩句未嘗在賽後報告見過，因為筆者講得比較白，而通常官方譯本文雅得多，但就算如何修飾，最終表達出來的意思唔會有差別，從而令我們對該些馬匹日後出賽時或更留心，至於會否帶來金錢上的回報，則是另一問題了。

Jack歐陽志恆