馮諾嘉手記：藍天谷中稱雄

魑魅魍魉

　　韋達停賽兩日，柏寶只得一場頭馬進帳，今日前者復出，不但騎足八場，仲有多匹極具勝算嘅馬，包括「好利高」、「天下寶」、「福喜」、「歐洲駿馬」同「旅英駿駒」，隨時贏馬兼起孖，雖然柏寶都有「勇蹄飛」、「勝利雄威」同「定做」等餐士馬，但整體嚟講韋達手馬爭勝機會大啲。

軍刀賽績硬淨

　　精選場次第六場三班1200米，呢場有唔少馬上場表現幾好，但小妹偏偏睇好「軍刀」，上仗跑田草1200米，喺王志偉胯下走勢唔曳，只係輸畀「天久」、「共創未來」同「霹靂槍」跑第四，「天久」啱啱日賽再出再贏，「共創未來」亦跑第二，證明嗰場水準唔曳，今次回師谷草兼改跑1200米，搵白德民操刀，可望打開勝門，做膽。配腳先拖「滙名燈」，至今八仗全入前四名，演出準繩要吼。「定做」前仗在港初出跑田草1200米熱身，上場轉戰谷草，臨場落飛，已有唔少支持者，結果以以一頭位僅敗，輸在騎師騎得曳，直路外閃，今次柏寶攞嚟騎，要拖。「金紫荊」前仗贏同程，埋門彈閘走勢吸引，排二檔有利，要兼顧。

　　第七場三班1000米，馬膽「此時此刻」，喺香港四戰得冠亞季各一，上場跑同程贏馬開齋，擺前走贏對手個幾馬位，睇佢姿態咁輕鬆，連捷唔奇。配腳方面，「喜萬家」上場排十檔，強配韋達亦只能跑第三，今場抽到二檔好跑得多，預計有「科研精英」同「此時此刻」搶放，「喜萬家」大可貼欄有遮檔守喺二、三位，拖腳首選。

　　「祥禎」上場負重磅仍然贏得相當輕鬆，大勝次名嘅「領航動力」成三個幾馬位，睇嚟上三班亦有力一戰。「旅英駿駒」至今四戰獲三冠一亞，咁犀利當然要兼顧。

　　尾場一班1800米，「藍天」近兩場跑田草雖然唔上名，但都跑近，大前仗同程入位已試準，回師谷草呢程，用蘇狄雄減磅，可以做膽。配腳先揀呢程三戰都有第二嘅「特寶樂」，其次係新勝同程嘅「金碧亮馬」，最後係「好兄弟」，上場三班一哩後上跑第二，狀態當弗，負磅又輕，跑入三甲唔奇。