祖安列奧治半和冇蘭度

猪拉多纳

今期啲波唔多，阿King搵嚟3場南球盃做主打，當中聽朝上演嘅第1圈首回合賽事，秘魯球隊祖安列奧治喺中立場對阿根廷沙蘭迪兵工廠。祖安列奧治聯賽開季4戰不勝，遇上熱身賽表現亦一般嘅沙蘭迪兵工廠，阿King推介半場和。

（周五清晨5時開賽）

秘魯球隊祖安列奧治今季開鑼就甩轆，聯賽4戰未贏過只得兩和兩負，仲要兼顧埋南球盃，試問點會攞到好成績。祖安列奧治今仗唔會喺自己主場出戰，而係移師中立場特魯希略曼斯治球場比賽，冇埋主場之利相信更難有甜頭，近期頹勢下上半場可能「猜猜吓」就算。

阿甲早前因欠薪同球賽轉播問題，搞到聯賽一再拖延，直到本周末先重開。沙蘭迪兵工廠喺休季期間踢咗幾場熱身賽，但表現都係普通，而且沙蘭迪兵工廠喺呢段時間只係搵嚟堤格雷中場盧卡斯韋查斯加盟，對球隊攻力幫助唔大，加上佢哋向來作客麻麻，今仗不求有功但求無過，捧半場和最實際。
波特諾玩殘頹爆卡拉卡斯

其餘心水，巴拉圭球隊波特諾大賽經驗豐富，上屆南球盃仲闖入4強，對手委內瑞拉球隊卡拉卡斯近7仗僅1勝頹到爆，今仗就算喺中立場亞松森查科球場踢，相信都係冇運行，捧波特諾讓球主勝（周五早上6時15分開賽）；至於哥倫比亞球隊杜利馬近5仗主場3勝2和，對手玻利維亞嘅玻利瓦爾近期有前冇後，已經連開7口大盤，作客都會沿用呢種踢法，一於捧中位數2.5球嘅大盤。

（周五早上8時45分開賽、馬會網上文字直播）