加納冇火捱細界

猪拉多纳

基恩「赤腳」難破馬里

周六深夜非國盃展開D組次輪賽事，由「黑星」加納硬撼馬里。雖然加納今次精銳盡起，但受困於鋒線「老大哥」基恩忘帶射門鞋「赤腳」上陣，令加納火力大大減弱，連續8仗總入球皆少過3球，今仗要攻破死守嘅馬里並唔容易，進取啲捧中位數1.5球嘅細盤。

（周日凌晨零時開賽，馬會網上文字直播）

加納今次非國盃徵召咗基恩、阿休兄弟等外流球星，單睇人腳絕對唔差，可惜箭頭基恩近年輾轉投效艾阿恩、上海SP、阿爾阿里等亞洲球隊，水準已不復當年，亦影響佢喺國家隊嘅表現。
1.5球細盤夠好分

自2015年至今，基恩一共為加納披甲12仗，只得3球進帳，由於「黑星」一向靠呢位「老大哥」數胡，其腳風欠順對球隊影響極大。單睇加納近8仗只入5球，包括非國盃首輪對弱旅烏干達只憑阿休射入12碼先至小勝1比0，好在加納防線尚算穩健，令近8仗嘅總入球都係喺2球或以下，遮掩鋒力疲弱嘅問題。由於加納首輪贏波手握3分，今仗對馬里亦唔會急於搶攻。

依家處於青黃不接低潮期嘅馬里，首輪悶和埃及0比0，今仗會照辦煮碗玩死守，希望守和再搶1分，待尾輪對烏干達先博贏波拎3分，因此加納今仗要入波唔容易，預計士哥唔慌多，2.29倍細盤（1.5球）好分頭可以一試。