多倫多衝擊爭冠大駁火

猪拉多纳

美職季後賽東岸決賽次回合聽朝開戰，ＦＣ多倫多返主場再鬥蒙特利爾衝擊。ＦＣ多倫多首回合落後1球，為收復失地今仗焗攻，以「原子螞蟻」基奧雲高為首嘅鋒線火力猛，近7仗有6次總入球至少有3球，但衝擊射手皮亞迪亦腳風順，今仗唔會坐以待斃，預計雙方會再演入球騷，中位數2.5球嘅大盤不容錯過。

（TVB 302周四早上8時直播）

ＦＣ多倫多喺首回合一度落後3球都冇放棄，憑艾迪杜里及米高巴特利入波，最終僅負2比3，雖然有作客入球優惠，但今場都要贏波先掂。好彩ＦＣ多倫多踢慣主攻，單計雙箭頭基奧雲高同艾迪杜里，今季合共已轟入35球，其中「原子螞蟻」就有21球進帳，單計近5仗入5球，難怪ＦＣ多倫多近7仗狂轟18球，當中有6仗總入球達3球或以上。
皮亞迪今季入20球

蒙特利爾衝擊亦非善男信女，連首回合贏ＦＣ多倫多在內，4仗季後賽全勝，陣中首席射手皮亞迪今季亦攻入20球，至於近期淪為後備嘅杜奧巴亦希望喺離開美職前捧盃，加上該隊近6仗只得1仗冇失球，證明防線唔太穩陣，今仗隨時以攻代守，癲鳳鬥狂龍格局實多波入，捧大盤啱數。