紅鑽遇私房菜威比你睇

猪拉多纳

日職次階段賽事浦和紅鑽主場迎戰湘南比馬，紅鑽目前僅以得失球差落後同得16分嘅川崎前鋒排次席，為爭次階段冠軍1分都不能少，紅鑽近7次於聯賽面對比馬取得6勝1和絕對優勢，今仗主場出擊大勝可期，捧1.86倍讓球主勝。（有線64及203台周六下午5時30分直播）

浦和紅鑽早前要兼顧亞冠盃賽事，最終只取得第3名完成首階段聯賽，現時紅鑽已再冇亞冠盃呢個包袱，可以專心應付聯賽。紅鑽次階段開季6仗取得5勝1和，包括作客擊敗首階段盟主鹿角2比1，狀態大勇，就算前鋒興梠慎三及中場遠藤航正代表日本出戰男奧足，上仗作客仍以2比0砌低甲府風林，完全無損爭勝決心，今仗續缺2人亦冇有怕。
湘南比馬近期冇火

湘南比馬首階段聯賽只得16分排尾3，次階段繼續為護級努力，可惜球隊近況麻麻，近6仗聯賽輸5仗，當中有4仗冇波入，而且比馬近年對住紅鑽冇運行，近7次聯賽交手比馬只得1和6負，完全畀紅鑽剋死，紅鑽為搶分冇手軟，讓球主勝穩開。