賠率有路捉：森林活泉有料到

港陌

　第四場噚日早飛「森林活泉」係59蚊次熱門，位置仲要係17蚊大熱，都算幾意外。首先隻馬失準成性，今季贏馬後再出五仗全部三甲不入，而且隻馬又經常內閃難騎，冇乜人會有信心投注落佢度。但今戰唔單止獨贏有飛，連位置都咁重票，好明顯有人預知呢匹馬可以跑出水準。

    　第八場主席錦標，白德民騎「步步穩」﹔「爆冷」用愛將馬偉昌，而「閒話一句」靜靜雞起用勞愛德客串，但後駒位置居然係15蚊大熱門，仲熱過明星馬「勇敢小子」同「君子一言」，睇番「閒話一句」過往1600米未威過，邊有可能買到咁熱，推算呢場大摩主力一定喺「閒話一句」，而且仲好有信心三甲必有，若然進取啲，可以一W兩P捧場。

　    騎師王方面，韋達一手惡馬，例如「出人意表」、「好利利」、「靚好聲」、「好心星」、「勇敢小子」，老實講真係有買趁手。

周仲