李城衝冠再煲魚生粥

猪拉多纳

「李城童話」今晚繼續上演！榜首李斯特城贏多4場就可以捧英超冠軍，今晚作客護級分子新特蘭大有機會向王座邁進。「狐狸」領隊雲尼亞里經驗豐富，衝刺時候一改喪攻踢法改打「實際波」，近6仗聯賽有5仗小勝1比0，今場作客好可能再煲魚生粥，3.45倍「讓球和」值得一博。

（now621周日晚8時30分直播）

李斯特城轉入爭標直路不求華麗、着重實際，對上4仗聯賽都係小勝1比0，亦係近6仗聯賽入面第5次開呢個波膽。李斯特城今季甚少傷兵問題，經常能以最佳陣容應戰，有利整體發揮，「狐狸」依家領先次席嘅熱刺7分，不過佢哋最後3仗先後要作客曼聯同車路士等名牌，為免夜長夢多必全力求勝。
新特蘭缺進攻板斧

「黑貓」新特蘭今周比賽前排喺第18位，落後尾四嘅諾域治4分，護級水深火熱，可惜球隊前線只靠迪科爾單天保至尊，欠缺進攻板斧。新特蘭近5仗聯賽4和1負未贏過，其中4仗開出細盤，球隊鋒力有限，預計李斯特城可繼續穩中求勝，求好分頭可敲「讓球和」。