東京慢熱半和有着素

猪拉多纳

今周日職壓軸戲，有柏雷素爾主場迎戰FC東京，柏雷素爾今季狀態低沉，喺聯賽仍未打開勝利之門，就連半場領先都未試過！FC東京向來踢法慢熱，今季5仗聯賽全部都開晒「半場和」，今仗再追「半場和」係明智之選。

（有線61及201周日下午6時直播）

FC東京今季要兼顧亞冠盃賽事，幸球隊人強馬壯，發揮不俗，近7仗賽事取得5勝，啱啱喺亞冠盃擊敗FC江蘇更令全隊信心大增，今次作客亦唔會落於下風。東京向來以穩陣行先，作客賽事一定唔會冒進，所以開咧後5仗全數開出半場和。FC東京近4次造訪柏雷素爾，只曾獲得1勝，相信球隊會繼續以不失球為先，再伺機突襲對手。
穆里奇專剋柏雷素爾

最緊要係東京新兵、前恒大射手穆里奇已經報到，呢名被日本傳媒稱為「柏雷素爾殺手」嘅巴西射手，撞啱日職處子戰就對柏雷素爾，今場佢有機會後備落場，唔通整定要靠呢名巴西射手分勝負？

柏雷素爾聯賽仍未開齋，雖然啱啱喺日聯盃贏波，不過佢哋開咧後狀態一直谷唔起，後防又穿晒窿，要旨意19歲青訓小將中山雄太做救世主，睇怕都冇咁快可以反彈。柏軍今季3仗主場賽事2次開半場和，既然兩軍作風皆慢熱，今仗「半場和」好路。