|
薛達志馬房自從十一月初贏馬後，守齋超過三個月，最近三戰「森淼盛」、「真奇寶」及「勁爆力」統統跑第二，黑氣未過。但今日第四場佢馬房隻「野蠻」早飛居然WP大熱，55蚊W，20蚊P，仲熱過連續三仗入圍、年青力壯嘅「高鳴」，認真離奇。
睇番「野蠻」已經九歲，今季四戰名次愈嚟愈後，鞍上人薛寶力近況亦唔好，家陣只得一W，夠膽賣到咁熱，肯定唔係普羅馬迷，既然有人咁有信心，小心今日替薛廐破悶局，值得吼實。
記得上次推介「非我莫屬」話隔夜位置飛勁，可惜姍姍來遲跑第五，距離季軍只四分一馬位。今日再出隔夜位置又有大飛到，仲係15蚊大熱，仲勁過出名忠心嘅「貝利高」，咁有信心，要追埋呢次。
騎師王方面，韋達近期喺沙田頻頻得手，死敵柏寶停賽，加埋今日惡馬有「越跑越有」、「貝利高」同「好日子」，十幾蚊都要買。
周仲 | 
金睛卡
发表于 2010-2-7 09:15
变色卡
显身卡