馮諾嘉手記：美猴王無人能阻

聪明的白痴

　　騎師徐君禮又因為尿液樣本含有違禁物質，要即時停止手頭上工作，除咗今晚坐騎全部易配之外，噚日晨課已經冇再出操。講番今晚賽事，心水場次揀咗尾三場，呢幾場涉及第二口孖T，亦係三寶場次，有意投注呢兩個彩池嘅馬迷，不妨參考吓我嘅心水馬。

追月黃金機會

　　第六場三班1650米香港會盃，用「追月」做膽，呢匹馬自從上季初出以個幾馬位贏馬之後，一直未有頭馬進帳，今季亦嘗試轉戰谷草謀突破，近兩仗跑同程都只係輸短距離，前仗獲亞軍只係輸個鼻畀對手，上場超慢步速亦不合發揮，今次抽到黃金一檔，係時候打破悶局，贏馬兼捧盃。配腳方面，「發達心聲」同「超勁精神」都喺同程贏過馬，「文武精英」啱啱係呢程跑第二，三匹馬都有爭入三甲嘅本錢。

　　第七場三班1000米，「美猴王」三出三捷，仲要次次輕勝對手個幾馬位，實力未見底，跑開1200米，今次因為評81分冇得跑贏馬路程，1000米都照跑可也，可見馬房急於爭分贏跑馬地百萬挑戰賽，贏埋呢場佢已經追到「極品絲綢」同分，睇匹馬嘅狀態同實力，相信冇馬可以阻佢四連霸，當然馬膽。

　　「應變計劃」1000米首本，喺香港四勝有三W出自呢程，包括上次嘅頭馬，乘勇再戰配腳首選。「xxx之星」同樣係新勝同程，上場抽得十檔起步，出閘留到包尾，但後上追勢好凌厲，末段仲交出22秒29嘅快時間，贏馬開竅後狀態保持大勇，今場抽到一檔，預期佢早段會守?前領馬後面，貼欄有遮擋下相當好跑，配腳要拖。

　　「可圈可點」季內曾喺田草1000米獲亞軍，狀態唔曳，近期谷戰都排外檔，前段搶放用力太多，直路自然乏力，難得今場抽到二檔，可以輕鬆貼欄領放下，大有機會放入三甲，要兼顧。

　　第八場二班1650米，馬膽「鷹闖」，今季兩度入位，當中包括呢個路程，今次賽前休戰個幾月，試埋大閘，工夫做到足，試閘同晨課走勢同樣吸引，抽到黃金一檔，動用埋王牌報名，鬥志鮮明，好有機會贏番場。配腳可拖今季大熱嘅「好德煌」，呢程專家「福喜」，同埋上仗終點前被困跑第三嘅「幸福紅椒」。