C+3欄1檔大過天 韋達二五六場夠堅

聪明的白痴

　　徐君禮又因畀人驗到體內有違禁物質被禁出賽，係咪一如佢之前所犯的K仔事件一樣，現階段冇乜人知，因馬會要待獨立化驗後，再經研訊才可公布，如果唔好彩又係同一科，相信後果同佢早前在facebook所講嘅將會一樣……finished ！其實，佢係一個幾騎得之人，就算畢業後頭馬數字大不如前，總算有得上陣有得贏，未至於會久唔久坐冷板登（同音）。唉，希望佢呢次係一場誤會，若不，就咁又?嘥了一個人才。當然，每件事情的終結，亦代表另一端的開始，呢度冇得騎，可能在其他領域有更佳發展空間，像老掉牙的勵志說話：「生命滿希望，前路由我創。」

　　周一聽到徐的事件之後，真係冇咩心機去刨馬，雖然亨利唔識佢，同樣係華人，冇理由望人閉翳。度咗一輪馬，不如簡簡單單，檔位取決一切吧，就揀韋達三隻1檔馬，整條3 ｘ 7 獨贏過關，同埋3 ｘ 1 位置過關，希望因應C+3 欄偏差大，攞到着數。

　　如果睇番對上三期C+3 欄的廿四場頭馬，1至3檔總共贏咗十二場，比率剛有一半，內檔優勢好成點，已經講晒大家知。

　　另外，韋達今季在谷草跑過十一匹1檔馬，交到3冠4 亞2 殿，得兩隻冇影咋，明顯佢好識把握1檔的天然優勢。

萬人迷搵到支持點

　　至於佢今期?三匹1檔馬，分別係「萬人迷」、「鋼寶」及「追月」，前駒唔會叻咗去，只係一邊跑一邊減分，差唔多去到支持點，而近仗又跑起咗狀態咁囉。「鋼寶」勝在三班長期有競爭力，路程適應到，當然，最重要就梗係騎練季內夾到不得了啦。後駒上場跑到連P都冇，唔少馬友睇到眼火爆，呢次繼續對住同上賽差唔多嘅馬，唔會有咩阻力，韋達在公在私，一定會醒醒定定！　

亨利