洪禮賢講馬： 勇敢小子穩

聪明的白痴

　　第九場三班1400米。「陽明德得」退出後，可算是頓失重心。比較起來，「歡呼星」近兩仗加眼罩跑谷草1200米獲一冠一亞，已算是同場演出較穩定一駒。當然，跑長200米會受到一定考驗，但上季試過在田草1600米輸唔遠，氣量應該唔使擔心。換柏寶發揮只會有好冇壞，三甲一席應該幾穩。

　　第十場二班1400米。「勇敢小子」連贏三場，如果有睇上場點贏，更覺佢厲害，超級馬有埋形勢仲彈甩晒返嚟（轉完直路彎自動有位在內欄上），加十三分一點都不多。今次名義上升到二班跑，實際上所遇阻力真係有限，加上為了爭分跑打吡，一定會搏甩髀，賠率熱辣辣亦冇辦法，尾場鋼膽是也。