朝東之寶擺明交代

不死鸟

蔡明紹自從墮馬後復出以來表現一直平平，不過前晚此子終於重拾信心，在谷草夜賽連中三元，其中更為師父告東尼打破8次冇馬贏的悶局，相信隨紹仔回勇後，東?的攻勢又會重新展開，務求追回早前冇馬贏?日子。
蔡明紹墮馬後猶如大讓賽，連同養傷期，他共有9次賽事無馬贏，但他目前在騎師榜排名仍在三甲之列，證明他今季有能力爭奪冠軍騎師寶座。今次紹仔的8匹座騎之中，有7駒來自東?，由此可見告東尼亦大舉興兵，其中列陣第十場的「朝東之寶」就最值得留意，因為幕後恨贏恨到出面，相信要盡快交代。
「朝東」系馬匹現時集中在苗?旗下，只餘下「朝東之寶」還未回巢，因此告東尼對此馬一定心急，要不然隨時有拉倉可能，所以每次上陣戰意必定鮮明，務求盡快贏馬向馬主交代。上場此駒跑泥地1650米，排在最不利的14檔起步，沿途被迫留居後疊，直路儘管後上甚勁，但可惜姍姍來遲只得第六名，確實無話可說，今次此駒轉回田草1400米，換上蔡明紹執韁，發揮上必會不同，可期贏馬而回。