金碧亮馬霸氣十足

不死鸟

第五場4班1200米。方嘉柏馬房?「大進」季內上陣兩次，首戰田草1000米得第十，相隔3周轉戰谷草1200米得第四，輸畀頭馬「多多昇」三又二分一馬位，走勢大有進步，睇番上仗大半程外閃輸成熟不足，還好經過兩仗實戰後口勁收斂，埋門拍跳已唔見搶口，足證是成熟表現。柏寶同場有新勝?「大師傅」及「雙辣」都棄騎，專心一致為「大進」操刀，決心表露無遺，今次排2檔必有遮檔，留到入直路展開衝刺，力足將對手一網打盡。
第八場3班1650米。蘇?「金碧亮馬」（下圖）季內兩出兩捷姿態討好兼難度高，首戰贏田草1200米排不利14檔，大半程居後列仍能以旋風式後勁反先贏馬，末段更締22秒48全組最快時間，表現出色令人驚喜，而上仗初跑谷草兼造扳上1650米依然贏得輕鬆，顯見實力大把在手，難怪賽後被重手加8分，4歲馬現處升軌，蘇保羅必把握此段黃金期去爭功，原班人馬再爭同班勝途，三捷可期。