健康藍莓賺形勢

不死鸟

第四場第4班1650米。「健康藍莓」上賽出閘起擒後又被擠夾落尾，全程望空走三疊不輸才怪，根本與本身實力無關。馬房這次變招改向谷草打主意，按本身均速跑法，必可在谷草急彎應付得多，再睇今場對手前領馬少之又少，結合鄭雨滇贏出勢頭，7檔及早埋欄，有權先發制人。
第五場第4班1200米。「確叻準」上回卻遇上超快步速，全程走外疊蝕唔起無表現情有可原，今次破天荒移師谷草無非貪避開強手，用番勞愛德機會不可同日而語。「大進」質新份子熱身一場後旋即在同程輸近，復課繼續壓迫，柏寶今場有多駒可揀而就之，信佢無揀錯馬。「綠茵勁贏」熱身兩場後操練明顯升級，今場有大樹遮蔭熱門輪不到牠，提防見獵心喜。「四季大同」按上季輸畀「連利福星」、「金鑽龍華」那份賽績，套落在今場已屬必然大熱，惟三T場合我有戒心，作配為妙。