算得妙枕戈待發

不死鸟

第一場第五班1200米。「算得妙」（左圖）上仗季內初出落五班跑泥地同程，後上跑第六只以四乘不敵頭馬「博利好」，拍住過終點的「大師傅」再出谷草亦已補中，復課後再操觀感煥然一新，今次回師草地隨時可變身，有分頭更值一博。「好歌」降落五班即被韋達索騎，操足而來望有好表現。「晨速」上季兩勝五班賽似足?侶「常盈」，狀態未足亦隨時可以威脅。「開心假日」評分跌至新低，換卓利排1檔起步，屬最佳冷腳。
第二場第四班2000米。「揀得正」今季轉投李易達馬房發展，兩度上陣皆所負不遠，長途馬已取得足夠熱身，今次增程跑2000米正合發揮，操足再臨已屆交代之時，值得睇高一線。
「衝勁直前」目前在四班已有迴旋餘地，剛戰敗於再出入位的「如雷」，老馬復勇不會保留，強配路合當是正路配腳之一。「福龍」輕磅有利，配韋紀力必有鬥志，「巴圖魯」跑法主動，長途正宗俱可加入兼顧。