正旋退熱追得過

不死鸟

今晚頭兩場第四班1200米，分別有「智勇雙全」及「野馬」初試啼聲，前駒為上季配售馬，血統出自02年三歲馬王「直布羅山」，子嗣中有6駒揚威一級賽，足跡遍佈英、法、美、澳以及香港（「飛鷹山」贏香港盃），偏偏在港子嗣未能成材，「雄風」和「呼風喚雨」只曾入位，雖然同母3駒出賽全勝，其中「健康之友」在港一出即勝，但「智勇雙全」血統偏向遲熟，試閘走勢亦一般，初出難以言惡，跑落前景應不致太差。後駒乃由姚本輝替馬主揀蟀，父系「選擇」為澳洲短途名駒，其子嗣卻多擅中距離，「美妙選擇」、「天下寶」及「火耀雷霆」統統是一哩專家，加上「錢程萬里」出自同一母線，幾可肯定「野馬」並非正宗短途材，暫可不理。
上場韋達（左圖）演繹「正旋」?方式，簡直可用「高超」來形容，今季韋達、蔡約翰這對組合大熱死火率奇高，退熱後又可以唔同晒，君不見「印度光輝」和「駿馬繽紛」打後贏馬都有分頭？講番「正旋」，外祖母係兩屆香港國際碗盟主「壟斷」?媽媽，而「壟斷」正是蔡約翰外父白理維所擁有，家族淵源甚深，照計阿蔡唔會一次一次失威，呢場轉跑谷草，贏?都有藉口。