唔忍手輸到眼凸

猪拉多纳

　　據報道稱，今屆世界盃分組賽，輸得波友最甘嘅其中兩場，分別係德國對葡萄牙與荷蘭對西班牙，無他嘅，賽前以為係五五波，彼此實力有番咁上下，唔會係一面倒賽果，點知最後係另一回事，仲要大比數分勝負，呢個先係最摧毀性嘅賽果。

　　賭波有得買「走地」，球賽一路打緊，都可以落注各式各樣彩池，鍾意嗰隊球隊就算落後緊，可以繼續臨場追住買，譬如輸緊1比0，「走地」讓半球，眼都唔眨，一於博翻身，夾叠買落去，再輸再買，如果好運，真係反勝，自然翻到身，但如果賽果係好似德國對葡萄牙嗰場咁，對家輸4隻蛋，一路追買葡萄牙，條數都好襟計。

　　場場買與追「走地」無異

　　賭馬方面，除咗騎師王，冇彩池會提供「走地」，但如果賭仔唔甘心，場場都買，意識形態與追「走地」無異，都係再輸再買，本着博本，不幸嗰日搭「直通車」的話，輸足10場有乜咁奇，所以唔忍手，好容易輸到眼都凸。

　　子樂