票數洶湧帶利來

猪拉多纳

　　今日沙田煞科戰，未接受投X之前，仲以為場場大熱門都會係蔡或方馬，事關兩爭緊今屆冠軍，但係呢個似乎係我一廂情願想法。噚日睇飛，蔡方兩隔晚各有三駒曾成大熱門，至於另外五場賽事大熱門，分別落徐、容、苗、胡及東賽駒度，唔通暗示蔡方兩就算有馬贏，亦一場起兩場止？係就大件事。

　　另外，周某發現隔晚有兩匹馬墊底飛幾勁，佢分別係頭場「帶利來」同第五場「軒轅勇將」（見表）。我比較鍾意前駒，所以提供畀大家。「帶利來」仗轉吳定強馬房初出跑田草1400米，閘前賠率有24倍咁多，結果佢最終只能夠追入第七名，但係今次隔晚賠率唔同晒，曾得6.3倍W，有人睇好要信。騎師王方面，韋達雖只騎十場，但竟然熱過騎足十一場雷神，揀佢。