童夢減夠分食頭胡

猪拉多纳

　　頭場五班泥地1200米，「童夢」七歲馬現階段跑五班賽才有勝望，所以自去年12月初在五班同程贏馬後，跟住五場四班賽全負，幕後擺明有求減分的部署，表現平平絕對可理解。減夠分可返回五班上陣後，備戰工夫即明顯加強，上月尾試泥閘跑第四走來不差，已為今仗做足準備，排二檔應可及早貼欄領放，大有機會就此帶到。

　　「好爽趣」在港上陣以來，以跑泥地的表現最好，既然可在四班入位，現時落到五班當然有着數；上仗同班同程因跑濕泥關係不利追，才後上不及得梗頸四，表現其實甚佳；今戰只要場地正常，要爭一席絕對綽綽有餘。「東江神駿」雖然初跑泥地賽，但過往試泥閘曾有好走勢，相信場地適應性沒有問題，未交代馬出埋王牌必然砌盡，值得信賴。

　　第三場四班草地1200米，「甜哥兒」今季連場跑近，上仗終在同程得第二，取得其首次上名紀錄，反映跟貝湯美合拍。今仗續排內檔跑此程，對手實力未見增強，可望順利開齋。

　　「紅運飛駒」自轉戰谷草後，跑落明顯不進反退，今仗回跑沙田可多給一次機會，事關兩戰田草獲一殿一第五不差，初次配上莫雷拉可見真章。「明目張膽」跑過兩仗均為谷草兼輸唔遠，本身應有一定能力，今初跑沙田分分鐘有進步表現，不妨兼顧這匹冷門一票。(耀鈞)