慣勝福星泥戰求勝

猪拉多纳

　　今次沙田賽事提供第五至第七口孖寶。

　　第五場三班泥地1200米，「豪逸」今仗雖為初跑泥地，但上周加戴眼罩試泥閘輕鬆一放到底，貫注力相當強，看來已試準，今次回配贏馬拍檔柏寶用此配件，值得睇好。「捲土重來」在港初出，但已做足準備工夫，泥閘走勢十分出色，有力一出即勝。

　　第六場三班草地1200米，「香港神駒」上場休出即於谷草1200米上名，三班始終有利，今仗繼續原班作戰跑曾入Q之同程，加上體力會佔優，可望打開季內勝門。「勁酒王」已連續三仗於同程上名，演出持續穩定，其中上仗只負於再出跑三班照贏的「金鹿」，賽績有保證，上班負輕磅有條件發難。

　　第七場三班泥地1650米，「國粹精華」來港後雖未勝，但表現算準繩，季內更已獲四亞兩季，同程一戰即跑第二可信，用潘頓可出頭。「準備就緒」試泥閘走勢勁，場地適應一定冇問題，負磅輕可橫掃。

　　第八場二班泥地1650米，「慣勝福星」現評分於草地已難爭，轉戰泥地應是唯一出路，何況過往曾入位有根有據，二檔放出隨時帶到。「大威力」外地贏過膠沙地，加上埋門泥閘走勢勁，場地性能必佳，賀賢又可食尾胡。